டீஇஇ டெவலப்மென்ட் இன்ஜினியர்ஸ் நிறுவனத்தின் முழுச் சொந்த துணை நிறுவனமான டீஇஇ ஃபேப்ரிகாம் இந்தியா, ரூ.55 கோடி மதிப்பிலான காற்றாலை கோபுரங்களை வழங்குவதற்கான ஒப்பந்தத்தைப் பெற்றுள்ளதாக நேற்று தெரிவித்தது.
ஐந்து மெகாவாட் காற்றாலைகளுக்கான கோபுரங்களை வழங்குவது தொடர்பான விருப்பக் கடிதம் மின்னஞ்சலில் கிடைத்துள்ளது. சரக்கு மற்றும் சேவை வரி நீங்கலான இந்தப் பணியை அடுத்த ஆண்டு ஆகஸ்டுக்குள் நிறைவேற்றத் திட்டமிடப்பட்டுள்ளது. டீஇஇ ஃபேப்ரிகாம் நிறுவனத்தின் காற்றாலை கோபுர உற்பத்திப் பிரிவு ஆண்டுக்கு 32,400 மெட்ரிக் டன் உற்பத்தித் திறனைக் கொண்டுள்ளது. இந்த ஒப்பந்தம் புதுப்பிக்கத்தக்க எரிசக்தித் துறையில் நிறுவனத்தின் பங்களிப்பை மேலும் விரிவுபடுத்துகிறது.
உற்பத்தித் திறனை அதிகளவில் பயன்படுத்துவதும், திட்டங்களைச் சீராக நிறைவேற்றுவதும் முன்னுரிமை என்று தலைவர் மற்றும் நிர்வாக இயக்குநர் கே.எல்.பன்சால் தெரிவித்தார். இந்தியாவின் புதுப்பிக்கத்தக்க எரிசக்தி கட்டமைப்பு வளர்ச்சியில் பங்கேற்கத் தயாராக இருப்பதாகவும் அவர் கூறினார்.
